111

نماز میں پانچ رکعت پڑھ لیں، اب کیا کریں؟

سوال
نماز میں پانچ رکعت پڑھ لیں، اب کیا کریں؟

جواب
صورتِ مسئولہ میں اگر قعدہ اخیرہ  کرنے (چوتھی رکعت کے بعد تشہد کی مقدار بیٹھنے) کے بعد پانچویں رکعت پڑھی ہو، اور آخر میں سجدہ سہو بھی کرلیا ہو، تو نماز ہوگئی، اعادہ کی ضرورت نہیں،  تاہم اگر سجدہ سہو نہ کیا ہو تو  اس نماز کے وقت کے  اندر  اندر اعادہ واجب ہوگا، وقت گزرجانے کے بعد اعادہ مستحب ہوگا۔

البتہ اگر قعدہ اخیرہ کیے بغیر  پانچ رکعات ادا کرلی ہوں تو فرض باطل ہو گیا ہے، سجدہ سہو سے بھی نماز درست نہ ہوگی،  نئے سرے سے مذکورہ نماز ادا کرنا لازم ہوگی خواہ وقت نکل چکا ہو۔ 

فقط واللہ اعلم

فتوی نمبر : 144109200459

دارالافتاء : جامعہ علوم اسلامیہ علامہ محمد یوسف بنوری ٹاؤن

اس خبر پر اپنی رائے کا اظہار کریں

اپنا تبصرہ بھیجیں